Terms

Terms & Conditions

Effective date: 26 October 2026 · Website: bapkarasta.com

Bap Ka Rasta ek mazaak-based arcade game hai. Khelne se pehle yeh terms padh lo — game khelne ka matlab hai ki tum in sab baaton se agree karte ho.

1. Game kya hai

Bap Ka Rasta ek free browser game hai jisme tum ek battery auto ko Delhi ki sadak par chalate ho, gaadi/bike/dukaan tod kar “national loss” badhate ho, aur bheed aur bus se bach kar bhaagte ho. Game ke andar jo bhi newspaper, headline, quote, naam ya figure dikhte hain — woh satire aur parody hain, asli khabar nahi.

2. Ye terms kis par lagti hain

Ye terms website bapkarasta.com, uske pages (how to play, privacy, terms, contact, developer) aur game ke har version par lagti hain — browser, phone ya kisi bhi device par.

3. Khelne ki umar aur permission

• Game 13 saal ya usse zyada umar ke logon ke liye hai.
• Agar tum 18 saal se kam ho, to ghar walon ki permission se khelo aur email subscribe mat karo.
• Email subscribe karke tum confirm karte ho ki email tumhara hai ya tumhare paas usko use karne ki permission hai.

4. Game khelne ka licence

Hum tumhein game ko personal, non-commercial entertainment ke liye khelne ka limited, non-exclusive, non-transferable licence dete hain. Tum game ko khel sakte ho, apne dost ko link bhej sakte ho, screenshot/video share kar sakte ho.

Nahi kar sakte: game ko bechna, kirae par dena, apni site par copy karke host karna, code ko de-compile karke apna game banana, ya “Bap Ka Rasta” naam se doosra product launch karna — bina likhit permission ke.

5. Leaderboard aur naam ke rules

Most Wanted list mazaak ke liye hai. Naam likhte waqt ye rules follow karo:

• Naam 24 characters tak, sirf English letters, numbers, space, dot, apostrophe aur hyphen.
• Kisi bhi link, website, email ya social handle ko naam me mat daalo.
• Gaali, Hate speech, caste/religion/region par attack, ya kisi asli insan ko target karna — allowed nahi.
• Kisi aur ka naam ya kisi brand ka naam use karke confuse mat karo.
• Ek hi game ko script/bot se baar-baar khel kar leaderboard par kabza mat karo.

Hum bina notice kisi bhi score ya naam ko hatane ka, ya device ko block karne ka haq rakhte hain — khaas kar cheating, spam ya abuse ke case me.

6. Score aur “inaam”

Leaderboard rank, Most Wanted poster, “national loss” aur “inaam: ek cup chai” — sab game ke andar ke mazaak hain. Iska koi paisa, gift, voucher ya asli inaam nahi milta. Scores kabhi bhi reset ho sakte hain (maintenance, season change ya abuse rokne ke liye).

7. Parody aur trademark disclaimer

Game me jo akhbaar dikhta hai uska naam The Indian Express hai — woh sirf ek parody prop hai. Yeh game The Indian Express Group, uske editors ya kisi bhi newspaper se kisi bhi tarah juda nahi hai, na unke dwara endorsed hai. Isi tarah “Tesla”, “DTC”, “VIP convoy” jaise naam satire ke liye use hue hain; kisi company ya sarkari body ka support/endorsement nahi hai.

Game me dikhaye gaye accidents, loss figures, quotes aur headlines poori tarah fictional hain. Kisi asli vyakti, gaadi, dukaan ya event se matching hona ittefaq hai.

8. Asli duniya me kuch mat todo

Game me gaadi todna mazaak hai. Asli sadak par auto, bike, gaadi ya public property ko nuksaan pahunchana serious crime hai — Motor Vehicles Act, IPC/BNS aur doosre kanoon us par lagte hain. Game khelne ke baad asli duniya me koi bhi reckless driving mat karo. Yeh game defensive driving nahi sikhata, sirf ek joke hai.

9. Tumhara content

Jo naam tum leaderboard me daalte ho, woh game me publicly dikhta hai. Tum confirm karte ho ki woh naam tumhara hai ya tum usko use kar sakte ho. Hum us naam ko game me dikhane, share karne aur leaderboard me rakhne ka licence lete hain. Naam hataana ho to contact karo.

10. Website ka availability

Hum koshish karte hain ki game hamesha chale, lekin koi guarantee nahi. Website kabhi bhi down ho sakti hai, update ho sakti hai ya band ho sakti hai. Hum bina notice features badal sakte hain.

11. Warranty nahi

Game “as is” aur “as available” milta hai. Hum koi warranty nahi dete — na quality ki, na kisi particular kaam ke liye fit hone ki, na uninterrupted chalne ki. Tum game apne risk par khelte ho.

12. Liability ki limit

Kanoon jitni ijazat deta hai, utni had tak: game khelne se ya game na chalne se jo bhi nuksaan ho (data loss, phone hang, time waste, ya kuch aur), uske liye Indian Developer zimmedar nahi hoga. Humari total liability, kisi bhi claim ke liye, ₹100 (ek sau rupaye) se zyada nahi hogi — kyunki game free hai.

13. Tum humein bachao (indemnity)

Agar tum in terms ko todte ho, koi galat/offensive naam daalte ho, ya kisi teesre party ka haq maarte ho, aur usse hum par koi claim aata hai, to us claim ka kharcha (legal fees samet) tum uthaoge.

14. Kaun sa kanoon lagega

In terms par India ka kanoon lagega. Koi bhi dispute Delhi ke courts ke andar hi suna jayega. Game khelne ka matlab hai ki tum is jurisdiction se agree karte ho.

15. Terms badalna

Hum ye terms kabhi bhi update kar sakte hain. Naya version isi page par naye date ke saath aayega. Game khelte rehna matlab naye terms accept karna. Bade badlav par game me notice dikha sakte hain.

16. Baaki baatein

• Agar koi ek clause kanoon ke hisaab se invalid nikle, to baaki clauses chalte rahenge.
• Hum apne haq ka istemaal na karna matlab haq chhodna nahi hai.
• Poora agreement = ye terms + privacy policy.

17. Contact